rubeen
logo

Хотимский

районный исполнительный комитет

Официальный сайт

Адрес: 213677, г.п. Хотимск, пл. Ленина, д. 2

Телефон приемной: 8 (02247) 79-281

E-mail: xotrik@khotimsk.by (для официальной корреспонденции)

Режим работы: понедельник-пятница с 8.00 до 13.00, с 14.00 до 17.00

Среда, 29 января 2020 11:22

Выбітны геній сваёй справы

Выбітны геній сваёй справы

Напярэдадні дня беларускай навукі адбылася падзея, якая выклікае гонар за свайго земляка.

«Даніленка Алег Анатольевіч - наш зямляк, урач-траўматолаг-артапед вышэйшай катэгорыі, загадчык траўматолага-артапедычнага аддзялення №3 6-ай Гарадской клінічнай бальніцы горада Мінска, абараніў доктарскую дысертацыю з прысваеннем звання -«доктар медыцынскіх навук», - паведаміў навіну Ігар Якаўлевіч Савосценка, ганаровы грамадзянін Хоцімска, намеснік галоўнага ўрача па хірургічнай дапамозе Магілёўскай абласной бальніцы.

Аб рабоце ўрача можна сустрэць толькі станоўчыя водгукі: «Я ўдзячны загадчыку аддзялення Даніленка Алегу Анатольевічу - вельмі рады, што трапіў у рукі прафесіяналаў сваёй справы. Ваша прафесія - штодзённая праца, якая нясе дабро, клопат і святло, якая дазваляе людзям зноў станавіцца здаровымі». Удзячныя людзі не скупяцца на словы шчырай удзячнасці, на пажаданні здароўя і дабрабыту. Гэта можа сведчыць пра Алега Анатольевіча не толькі як аб пісьменным спецыялісце сваёй справы, але і як аб адкрытым і адказным чалавеку.

Шлях у кар'еры ўрача хацімчанін пачаў у 2001 годзе, скончыўшы Мінскі дзяржаўны медыцынскі інстытут па спецыяльнасці «лячэбна-прафілактычная справа».

Яго першым месцам працы стала траўматалагічнае аддзяленне Магілёўскай абласной бальніцы. Тут Алег Анатольевіч прапрацаваў з 2001 па 2015 год: спачатку на пасадзе ўрача траўматолага-артапеда, а затым загадчыка траўматалагічнага аддзялення. Ужо праз 7 гадоў (у 2009 годзе) ён абараніў кандыдацкую дысертацыю на тэму: «Лячэнне застарэлых і звыклых вывіхаў пляча, якія суправаджаюцца імпрэсіённымі дэфектамі галоўкі плечавой косткі».

Акрамя таго, доктар - аўтар мноства публікацый, прысвечаных паталогіі плечавога сустава, з іх 20 - апублікаваныя за мяжой.

Алег Даніленка - аўтар арыгінальных спосабаў аператыўнага лячэння паталогіі, навізна якіх пацверджана патэнтамі Рэспублікі Беларусь. Пры яго непасрэдным удзеле ўкараняюцца новыя тэхналогіі лячэння пацыентаў з рознымі відамі траўмаў і захворваннямі апорна-рухальнага апарата.

"Шлях Кастрычніка"

Фота з архіву 6-ай Гарадской

клінічнай бальніцы г. Мінска






Фотогалерея









© 2007-2024
Хотимский районный исполнительный комитет
Официальный сайт