Дзмітрый актывіст не толькі ў паўсядзённым жыцці, ён яшчэ мае актыўную грамадзянскую пазіцыю. Гэтыя выбары сталі першымі ў жыцці хлопца — таму цалкам зразумела яго хваляванне. Але сакратар Калінінскай выбарчай камісіі Валянціна Варанцова супакойвае яго і тлумачыць правілы, аб якіх трэба ведаць кожнаму, хто прыйшоў на ўчастак для галасавання.

— Я ўпершыню ўдзельнічаю ў падобнага рода мерапрыемствах. Мабыць таму, мне цяжка перадаць свае пачуцці, — дзеліцца хлопец. — Гэта вельмі хвалююча. Зразумею, паставіць галачку ў бюлетэні нескладана. Але можа менавіта мой выбар будзе вырашальным і паўплывае на прыняцце важнага рашэння? Хочацца спадзявацца, што я зрабіў яго правільна.

Вельмі прыемна, што Дзіма з усёй сур’ёзнасцю ставіцца да выбараў і разумее наколькі можа быць важны яго голас. Сёння навучэнец 2-га курса пакуль не будуе грандыёзных планаў на будучыню. А вось тое, у чым ён перакананы: кожны чалавек павінен выканаць сваё канстытуцыйнае права, прыйшоўшы на свой выбарчы ўчастак і аддаўшы свой голас за пэўнага дэпутата. І Дзмітрый Сніцарэнка з гэтай місіяй справіўся паспяхов.

Вольга Зайцава.
Фота аўтара